Rongmei Naga Baptist Association
Latbangbi:
Jesu Khrista tuang gaychamv phungc guang reyliangmei pu hei February 6, 1894 nungc Manipur khou guang khwan the. Kamei hei William Pettigrew, England khou rui Manipur zinghmei bamv khou gaychamv tuang gaanhmei mairam puanc guang lou khwan the. Kumna Zeliangrong mei pang khou rui zinghmei ta ganclouna gaanhriw hei laalou reyliangmei hei Pouh Namrijinang, Maipak tuna ni thay nahmei pu hei the, kumna Jisu hei kata guloumei pu the twna laalou lana Zeliangrongmei pang khou gaycham dinh khang kwm 1921 khou rui kapanty tipatlou the. Reyliangmei Jisu Khrista tuang Phwamling hei Kaikao khou lingthau louna mi kwm kahak tei Sempang namv thaengc phungkey loudat khwan the. Kum eki active swmei phwamling swna 1915 kwm Maipak (Namrijinang) ta U.M. Fox rui Dec. 6th 1915 baptised swloumei tangv tei rui swlou kan e.
RNBA kahouh thaumei:
Phwamling nunc tuang delegate nunc latdyng Annual Meeting of February 10th -12th. 1976 nungc lalou kanmei thei layna Rongmei lat samei nunc khang Rongmei Churches Fellowship hei February 3, 1976 nungc lingthaulou kan the. Bolongdai tei head quarters khang swna kapahlou the. Kum e tiki tingkwm 9 tangv ZBA (M) bangc khou bammei guay khang taanv swna taanpat kunghmei tuang peyna naipui zaeng rui, Zeliangrong Phwamling tuang meikhyn nunc rui kumna kakhanh the Zeliangrong Baptist Association tihei tikauh thaulou khang rui Zeliangrong Baptist Churches Council tuna kawdat lala Fellowship padeih tihei Association level khou tikulou dat khang Annual delegate meeting of December 17th -18th 1985 nungc rui dingloudat the. Mi thei layna Rongmei nunc Assam khatni Nagaland nunc kazauna meiguayna lunghchamhna committee kasiamhlou the. Kumna December 3, 1985 nungc planning committee hei bam khang Bethel Baptist Church, Tamenglong Head Quarter khou kawlou tina meic 30 tamruc hei guanglou khwan e. Mi nungc tei keykey kuku kaguay hei kakhanh lana Association tuang framework khatni structure lam hei kaphianhlou khwan the.
Kwm 1985 Rongmei Naga Baptist Association swna kalaic patmei kwm khwan the, kumna kwm 1986 hei Association n-guanh kan the. ZBA (M) 1985 kwm tuang latdyng tei Jan. 7th – 10th 1986 khou Longmai 2 Baptist Church khou delegates 194 Phwamling 75 khou rui guang louna kaphianhmei latdyng No. 11 khou tatkey loukan the. The structural planning committee rui phungc guangmei khou tei rui asaekc kasiamh ntwnloudat na meeting khou tei rui nuhlou kan the. Ngam paryrimei Racguangc rui Rongmei nunc tihei thanthanc swna Kaipouc Jisu Christa zanc khou kaiphwn dwanlouna taanv kahouhdat khang dinglou the.
LAANCLOUMEI TAANV:
1986 kwm May 28 nungc Tamenglong Baptist Church khou rui foundation day swna Rongmei Naga Baptist Association hei Rev. Kaiba Riamei rui inaugurate swloukan tuang e. Kumna kamei rui RNBA hei ZBCC tiangdaic sw khang de tuna inauguration minister swna katiuloukan e. RNBA tuna lingpat loumei khatni kahouhloumei hei rui, Rongmei Khristian azuh sucni suhmak nchu ni nchumak tuna bamgeihmei guay ta phwamling khou khatni mi tuang taanv khou zay ana guanglou khang e. Association kahouh rap khou rui 145 member churches naimei tumei hei Association daihmei di the, kumna mi hei rui Gospel ministry hei daicna taancpat khang the kumna mapung phamei phwamling azuh rui bumaengh khuammei taanv hei taancpat khang the.
Mi tingmik nungc tei rui kabangc khou hyloumei guay tihei Association tuang chaengzaypouc / chaengzaypeic nunc khang khatni kamei kamei rui taancnimei taanvbamv khang tei kapahlou the.
1. Rev. Lanchungrei Pamei Executive Secretary
2. Mr. Thuankubui Pamei Finance Secretary
3. Rev. Mp. Namthiurei Superintending Pastor
4. Mr. Apan Panmei Youth Secretary
5. Miss Achung Gangmei Women Secretary (Incharge)
6. Mr. Poulian Kahmei Missionary
7. Mr. K. Gainingdun Evangelist
8. Mr. K. Riman Finance Promoter
9. Mr. R. Khanglen Edn. Litt. Secretary
AIMS AND OBJECTS:
1. Khatkhat ta kasiamh thau kary khang fellowship khatni resource kaguay hei sharing sw khang.
2. Lwmmei lwan khou khatni taanv swna taancpatmei khou lungh khatna swna bamc khang karamcmei khatni ti tancthau khang swmei.
3. Meic guayna khou gaychamv hei dinclik pat khang khatni ziap kasiamh khang
4. Ramhlam guayna khou daicthauc khang taanv swmei, minunc kiu thu, education, social welfare, relief, health care, Women & Child programmes heinunc kumhmei hei the.
5. Aniu ramlum le nchammei, National khatni International Baptist Churches khatni Evangelical organizations nunc le coordinate swna khatni cooperate swna taanv sw khang.
6. Training Institute, Theological, Vocational khatni Health care taanv hei taancpat khang.
KATUANG TAANV NUNC (FUNCTIONS):
1. Meicguayna tuang swmei phwamling tuang phwam linglouna member church guay ta Doctrine khatni tatkeynimei lwan khou chaengzaylou khang.
2. Gospel minister nunc ta ordain swlou khang khatni License tiloulana kaniw ta Minister swna, gaychamv dihmei swna, nchamloumei pu swna, khatni ordinances sinmei pu swna khatni nowsuanhmei taanv taanhmei swna piulou khang.
3. Conference nunc laengv lana, fellowship tinailana lwmmei panty titanc lou khang.
4. Evangelists khatni Missionaries hei aniu ramc khou khatni kapaengc thaeng ndiulou lana Khrista tuang ziap nunc kasiamh khang.
5. Christian literature hei hypat khang, control sw khang khatni nzanh pat khang
6. Christian education programs hei member Church nunc khang conduct sw khang khatni tamzanh khang.
7. Educational institute, vocational training institute khatni social welfare project tatkey lana khatni manage sw khang.
8. Relief taanv hei taanh khang.
9. Social economic development project khatni health care project taanv hei taanh khang.
10. Syandui hei tinailana mi tei sinsw lana tamclou bammei taanv tei taanc guang tangh khang swmei.
11. Legal right nai khang khatni mi tei procure sw khang, movable khatni immovable properties guay tei katuang sw khang khatni zuanc nuhmei ngam nai khang.
12. To sue and be sued through its legal agents.
13. Member church nunc ta latlu geihmei naipui ganv khou latgaymei phungc guang dat khang nkhavlou khang khatni mi tei swlou khang zaenghuay pu ethei taanc.lou khang.
14. Baihmei Christian organization nunc lev almvgay na bam khang coordinate swmei
15. Missionary taanv hei geicna taancpat khang coordinate swmei.
